Plantun de Prouvènço

Pèr coumpara dos planto d'encò nostre

Prunus avium & Erigeron sumatrensis

Cereisié-fèr

Prunus avium

Rosaceae

Àutri noum : Cereiras, Piéucère, Grifaudié.

Nom en français : Merisier.

Descripcioun :
Lou cereisié-fèr trachis dins li bos fres. Es esta peréu planta. Se recounèis l'ivèr à sa rusco que se lèvo en anèu, la primo e l'estiéu à si gràndi fueio emé de glando roujo sus lou pecou e de segur i cerieso.

Usanço :
Li cerieso soun evidentamen manjadisso coum'acò o d'ùni biais. Se li co soun couneigudo pèr faire pissa, se saup mens que li fueio podon servi pèr sougna li plago. P. Lieutaghi raporto que dins lis annado de 1930, se sougnavo li plago di chivau emé d'emplastre de fueio boulido (P. Lieutaghi, op.cit. p. 149).

Port : Aubre
Taio : 3 à 20 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Prunus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 12 à 30 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à mai

Liò : Bos fres - Baragno
Estànci : Mesoumediterran à Mountagnard
Couroulougi : Paleoutemperado
Ref. sc. : Prunus avium (L.) L., 1755

Erigeroun(-blancas)

Erigeron sumatrensis

Asteraceae Compositae

Noms en français : Vergerette de Sumatra, Vergerette blanchâtre.

Descripcioun :
Grando erbo (>1m) di fueio un pau largo e bourrihudo (au contro de Erigeron canadensis, que soun soulamen cihado). Fai forço flour coumpausado blanco e de cop que i'a roso. Pèr la destria d'Erigeron bonariensis fau regarda lou brout e espincha li flour. La cambo principalo èi mai longo que li ramo d'en dessouto (formo en triangle) emai la flour coumpausado a un vèntre mens boumbu. Coumpara emé l'erigeroun-crespu.

Usanço :
Aquelo meno nous vèn de l'Americo dóu Nord ; s'espandis forço. Parèis que dins d'ùni païs la planto se manjo.

Port : Grando erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Erigeron
Famiho : Asteraceae
Famiho classico : Compositae

Ordre : Asterales

Coulour de la flour : Blanco
Petalo : >6
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : 0 à 600 m
Aparado : Noun
Remarco : Planto envahissènto

Liò : Escoumbre e proche dis oustau - Champ - Tepiero seco
Estànci : Termoumediterran à Coulinen
Couroulougi : Pancaro entresigna
Ref. sc. : Erigeron sumatrensis Retz., 1810

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

ges

Prunus avium & Erigeron sumatrensis

Coumpara Cereisié-fèr emé uno autro planto

Coumpara Erigeroun(-blancas) emé uno autro planto